Guhitamo ururimi
Ihitamo  
 
Ijambo:    Shakisha  
 
 
 Ikaze 
 Abo Turi bo?
 
 Amateka ya Legio
 
 Gusabira ubutagatifu ...
 
 Amakuru ya Legio
 
 Amasengesho ya Legio
 
 Amashusho
 
 Izindi Mbuga
 
 Ikaze ku rubuga rwa Senatus-Kigali
 Ibiheruka gutangazwa kuri uru rubuga  
Imyanzuro ya Kongere y'abakuru b'ama Comitia i Kabgayi 2018
2018-08-16 | Senatus Kigali
Allocutio muri Senatus yo ku wa 12-08-18
2018-08-12 | Senatus Kigali
Abakuru ba Legio mu rwego rwa za diyoseze zo mu Rwanda bari muri Kongere i Kabgayi
2018-08-04 | Senatus Kigali
Allocutio mu nama ya Senatus yo ku wa 08-07-2018
2018-07-09 | Senatus Kigali
Acies y'Inyarurembo za Senatus Kigali 2018 mu mashusho
2018-06-19 | Senatus Kigali
Impanuro ya Omoniye wa Senatus Kuri Acies 2018
2018-06-19 | Senatus Kigali
Inyarurembo za Senatus Kigali zitabiriye Acies 2018 ku bwinshi
2018-06-19 | Senatus Kigali
Ijambo ry'umukuru wa Senatus Kigali kuri Acies 2018
2018-06-19 | Senatus Kigali
Inyigisho Omoniye wa Senatus yatanze mu misa ya Acies 2018
2018-06-19 | Senatus Kigali
Allocutio yo muri Senatus yo ku wa 10 Kamena 2018
2018-06-10 | Senatus Kigali
Kongere y’abakuru ba Legio Mariae mu rwego rw’igihugu i Kabgayi.
Abakuru b’ingabo za Mariya mu rwego rwa za diyoseze zo mu Rwanda babarirwa ku ijana, bari muri Kongere i Kabgayi kuva ku wa kane taliki ya 02 kugeza ku cyumweru taliki ya 05 Kanama 2018. Iyo kongere yateguwe na Senats Kigali, urwego rukuriye izindi muri Legio Mariae mu Rwanda. Uretse abagize biro ya Senatus bayobowe n’umukuru wayo, Veneranda Mukakimenyi, hari umuyobozi wa roho wa Legio Mariae mu Rwanda, padri Clet Nahayo, n’umuyobozi wa roho wa Legio muri Diyoseze ya Kibungo, padri Yustas Habyarimana.

Iyo kongere yitabiriwe n'abavandimwe bakaba ku ijana


Mu biganiro bitangirwa muri iyo kongere, hari ibirebana n’ukwemera gatolika n’amasakramentu, inshingano z’abakuru muri Legio Mariae, umutungo w’umuryango, umuryango mu nkubiri mpinduramico, ubutumwa bw’umulejiyo, n’imikorere n’imikoranire y’inzego za Legio. Hanateganyijwe umwanya wo kugeza ku bayiteraniyemo ibyagezweho mu butumwa abakuru ba Senatus Kigali bakubutsemo i Dublin mu gihugu cya Irlande, aho bari batumiwe na Concilium Legionis, urwego rukuru rwa Legio Mariya ku isi..
Allocutio yatanzwe na Omoniye wa Senatus ku wa 12/08/2018
BIKIRA MARIYA YAJYANYWE MU IJURU N’UMUBIRI WE NA ROHO YE
Iyo usomye neza usanga Igitabo cy’ibyahishuwe kivuga ”ikimenyetso mu ijuru cy’umubyeyi wambaye izuba, ukwezi gutatse ibirenge bye, atamirije urugori rw’inyenyeri cumi n’ebyiri”. Uwo mubyeyi yambariye kuri wa mubiri utigeze icyaha ngo ube wagira ingaruka yo gushanguka. Turavuga ko ari umwamikazi kuko yabyaye umwami. Ariko se uwo Mariya arusha ikuzo abandi batagatifu bari mu ijuru? Araribarusha kure. Ikuzo mu ijuru rikurikiza ubuntu bw’Imana n’uburyo tubwakira. Kuko rero BM nta cyaha yigeze. ntiyigeze yigiramo icyabangamira ubwo buntu bw’Imana kandi nkuko yahebuje abagore bose umugisha akabyara rukundo rusesuye, yarangije ubuzima bwe hano ku isi yifitemo umwiteguro wo kubana na Yezu; umwiteguro uruta uw’undi muntu uhuzagurika kubera inenge y’icyaha.

We ni umuzira nenge, imbere ye inzira ni nyabagendwa. Twongere twibutse ko mu gitabo cy’ibyahishuwe (12, 1-6) bavuga ubushyamirane bw’umugore n’ikiyoka, ariko insinzi ikaba iy’umugore. Izayi ahanura ko ari”umukobwa wa Siyoni”Iz56, 7 ukandagira icyo kiyoka nkuko byateganijwe mu ntangiriro aho Imana ibwira sekibi ngo”dore nshyize inzigo hagati yawe n’umugore, urubyaro rwe ruzakujanjagura umutwe…”Gn3, 15 [Komeza...]
Ijambo Umushumba wa Diyoseze ya Gikongoro yabwiye abalejiyo i Kibeho
Nyakubaha Padri umuyobozi wa roho wa Legio mu rwego rw’igihugu, basaserdoti, bihayimana, bayobozi ba Senatus Kigali, Balejiyo ngabo za Mariya,
Yezu Kristu akuzwe.
Njyewe mu nzego za Legio sinkirimo, ariko se ubundi, nyuma ya Jenerali ariwe Omoniye mu rwego rw’igihugu, Kaporali yavuga iki !!! Niyo mpamvu ngiye kuvuga mvuga mvunagura ngo ntabatindira kuko n’amasaha ari kugenda akura.
Ndagira ngo nshimire buri wese waje ahangaha muri uru rugendo nyobokamana rw’abalejiyo. Uyu munsi mwatweretse koko ko abalejiyo ba Mariya ari benshi kandi ari beza. Nkaba ngira ngo rero, Mutagatifu Yohani Pawulo wa II yigeze kubwira urubyiruko ati umujyi wa Roma mwawujuje urusaku, namwe rero, umusozi wa Kibeho mwawujuje urusaku rwiza.
Balejiyo rero, urusaku rwanyu rwanyu rwiza twarwumvise, Kibeho yose yibazaga ibyabaye, uwo duhuye nawe yabaza nti ni abalejiyo baje, ni ingabo za Mariya zaje. Mwarakoze rero kuba mwaraje kandi muzakomeze.

Ijambo Umukuru wa Senatus Kigali yabwiye abalejiyo i Kibeho ku wa 15/10/17
Nyiricyubahiro Musenyeri, Umushumba wa Diyosezi ya Gikongoro, Bayobozi b’ingoro ya Bikira Mariya hano i Kibeho, Nyakubahwa Padiri Muyobozi wa roho wa Legio Mariya mu Rwanda, Bayobozi ba roho ba Legio mu nzego zinyuranye, Basaseridodi, bihayimana, Balejiyo bavandimwe,
YEZU KRISTU AKUZWE,
Twahuriye hano mu rugendo rutagatifu. Ubu buryo bwo gukorera hamwe urugendo tugasura ahantu hatagatifu bwatangiranye na Legio. Guhurira hano i Kibeho, ni ibintu bidufasha cyane kuko biduhindukiza tukava mubyo twirirwamo tukarangamira Ijuru, ni igikorwa gikomeza umubano wacu n’umubyeyi Bikira Mariya, kigafasha umuntu ku giti cye kikanakomeza umuryango wose. Kitwibutse ko koko imbaga y’Imana iri mu rugendo.
Ijambo umuyobozi wa roho wa Legio yavugiye i Kibeho mu rugendo nyobokamana kuwa 15/10/2017
Nyiricyubahiro Musenyeri, Bayobozi b’ingoro ya Bikira Mariya hano i Kibeho, Bayobozi ba roho ba Legio mu nzego zinyuranye, Basaseridodi, bihayimana, Bakuru ba Senatus, Balejiyo bavandimwe,
Imana umubyeyi wacu yashatse ko tubana nayo mu buzima buhoraho iteka yateguriye abayo kuva kare. Nta na kimwe rero cyatuma hagira n’umwe uzimira. Ni nayo mpamvu tuzahora duhimbaza igitambo cy’Ukaristiya nk’uko twabigenje none. Muri Yezu Kristu, Imana yadukijije icyaha, yongera kutugabira ubugingo bw’iteka.
N’ubwo rero hano i Kibeho twakunze kuhabona impuruza ya Bikira Mariya, wagira ngo atwibutse kwicuza no gusenga by’ukuri, n’ibindi muzi, ariko mubyo ukuri ni urwo rukundo dukurikirana, wa mugani wa wa muririmbyi wa Zaburi, ati “najya he kure y’uruhanga rwawe, najya he kure y’amaso yawe. Naho nazamuka ku ijuru, uba uhari, naho narigita nkajya ikuzimu uba uhari, naho namera amababa nk’ayo umuseke weya, maze nkajya kwiturira ku mpera y’inyanja, ukuboko kwawe niko kuhanjyana, indyo yawe ntigire ubwo indekura”. Urukundo rw’Imana ruradukurikirana. Niba rero ari uko bimeze, dushimire Imana idahwema kudukunda, dushimire Imana yaduhaye Mariya, tuyishimire kuko yaduhaye uyu murwa mutagatifu.
FRANK DUFF washinze Legio ya Mariya
Frank DUFF yavukiye i Dublin muri Irlande ku itariki ya 07/06/1889 mu muryango w’abakristu gatolika wifashije, ababyeyi be John Duff na Susan Freehill bombi bari abakozi ba Leta. Yari imfura mu bana barindwi.

Akirangiza amashuri yisumbuye (yari afite imyaka 18), Frank DUFF yahise atangira akazi ka Leta muri Minisiteri y’Ubuhinzi maze muri 1922 yimurirwa muri Minisiteri y’Imari. Frank DUFF yakoraga akazi ke neza, akaba umukozi ushimwa kandi wubashywe, witonda kandi ukundwa n’abantu. Yazamukaga mu ntera buri munsi, ku buryo bemeza ko yashoboraga no kugirwa Minisitiri.[Komeza...]
Allocutio yatanzwe mu nama ya Senatus yo kuwa 10 Ukuboza 2017
Bavandimwe,
Kuwa gatanu ushize tariki 8/12.2017 twahimbaje umunsi mukuru wa Bikira Mariya utasamanywe icyaha. Ndagira ngo twongere tuzirikane uwo munsi mukuru ariko na none twigana uwo mubyeyi wacu. Mu isomo rya mbere ry’uwo munsi (int3, 9-15.20) tuhasanga inkuru itubwira ibyerekeye icyaha cy’inkomoko abasokuruza bacu bakoze. Uhoraho yari yarababujije kurya ku giti cyari hagatimu bustani bwiza yabahaye, ariko baranga barakirya, barya igiti bazi neza ko kibujije, barya igiti navuga ko cyabateye gupfa bityo biha gufata umwanya w’Imana.

Aribyo bivuga kwanga kamere muntu yabo ngo kuko bayibonamo ikintu kibabuza ubwigenge busesuye. Nuko umuntu ahitamo kwigenga; akeka ko azahirwa ari uko we ubwe afata icyemezo kubyo abona ari byiza cyangwa bibi. Mbese arashaka kugenga ubuzima bwe atari kumwe n’Uhoraho, yihagije akura Imana mu buzima bwe atyo.
 Ishakiro  
Ikaze ku rubuga rwa Senatus-Kigali
Senatus Kigali muri make ; Intego ya Legio Mariae
Inkomoko ya Legio; Frank Duff wayishinze; Kamere; Amatwara; na "Manuel" bya Legio
Dosiye zo gusabira ubutagatifu abashinze Legio Mariae: Frank Duff, Edel Quinn, Alfie Lambe
Uko Senatus ihagaze n'ibikorwa byayo; za Allocutio, Abayobozi ba roho, Ijwi rya Legio, Ibikoresho...
Amasengesho ya Legio Mariae n'ayo gusabira ubutagatifu abayishinze
Amwe mu mashusho agaragaza ibikorwa bya Legio
Izindi mbuga twabashishikariza gusura

 Mariya ugaba inema: udusabire  

Legio Mariae Senatus Kigali ibarizwa:
Imbere ya Paruwase y’Umuryango Mutagatifu
Arikidiyosezi ya Kigali
B.P: 4780 KIGALI
e-mail: info@senatuskigali.org
Website: www.senatuskigali.org

Umwihariko ku burenganzira bwose: Senatus Kigali © 2013