| | Ibiheruka gutangazwa kuri uru rubuga | | |
| | | Senatus Kigali yahurije inyarurembo zayo muri Acies i Kigali
Taliki ya 18 Cicurasi 2019 abalejiyo b’inyarurembo za Senatus Kigali bahuriye kuri paruwase y’Umuryango Mutagatifu (Paroisse Sainte Famille) bizihiza umunsi mukuru wa Acies. Hari kandi n’abavandimwe baturutse mu ma curia ari mu mujyi wa Kigali no hafi yawo, ndetse n’abashyitsi baturutse muri comitium ya Nyamata. Hari nk’abalejio bakabakaba 2.000. Babanje gutura igitambo cya misa cyayobowe na Padiri Emmanuel Sebahire Umuyobozi wa Roho wa Legio mu rwego rw’Igihugu, afatanije na Padiri Mugiraneza Yohani Damaseni, umuyobozi wa Roho wa Legio mu rwego rwa Comitium Nyamata. Hanyuma bakoze umutambagiro wa Rozari, mbere y’uko bidagadura mu mikino ibereye ijisho yari yateguriwe uwo munsi yabereye hepfo ku kibuga cy'amashuri abanza.
| | Abayobozi ba roho ba Legio bahuriye mu nama ku cyicaro cyayo i Kigali
Amakuru y’inama y'Abayobozi ba roho ba Legio ku wa 18 Werurwe 2019
Abayobozi ba roho ba Legio Mariae ku rwego rwa diyoseze bose uko ari 9 ku wa mbere tariki ya 18 Werurwe 2019 bahuriye ku cyicaro cya Senatus Kigali, mu nama yabo ya mbere muri uyu mwaka. Bwari n’ubwa mbere bakorana inama n’umuyobozi wa roho mushya wa Legio Mariae ku rwego rw’igihugu, padri Emmanuel Sebahire. Uretse umuyobozi wa roho, Senatus Kigali muri iyo nama yari ihagarariwe n’abakuru bayo.
Abari mu nama barebeye hamwe inshingano za omoniye n’icyo Legio Mariae imutezeho, banahanahana amakuru ku miterere ya Legio Diyoseze ku yindi no ku rwego rw’igihugu. Muri rusange inama yasanze umuryango wa Legio Mariae mu Rwanda uhagaze neza, ukora ubutumwa bwawo ku buryo bushimishije, kandi ukomeje kugenda waguka, haba mu bwinshi bw’abawugize no mu kwiyongera kw’inzego zawo. | | FRANK DUFF washinze Legio ya Mariya
Frank DUFF yavukiye i Dublin muri Irlande ku itariki ya 07/06/1889 mu muryango w’abakristu gatolika wifashije, ababyeyi be John Duff na Susan Freehill bombi bari abakozi ba Leta. Yari imfura mu bana barindwi.
Akirangiza amashuri yisumbuye (yari afite imyaka 18), Frank DUFF yahise atangira akazi ka Leta muri Minisiteri y’Ubuhinzi maze muri 1922 yimurirwa muri Minisiteri y’Imari. Frank DUFF yakoraga akazi ke neza, akaba umukozi ushimwa kandi wubashywe, witonda kandi ukundwa n’abantu. Yazamukaga mu ntera buri munsi, ku buryo bemeza ko yashoboraga no kugirwa Minisitiri.[Komeza...] |
|
| |
| | Mariya ugaba inema: udusabire | | |
|